Ii Samuelis 3:5
Sextus quoque Jethraam, de Egla uxore David: hi nati sunt David in Hebron. + 3.5 De Egla. RAB. Hæc est Michol, quæ sola uxor dicitur, quia eam David in adolescentia sua primam sortitus est uxorem. Hæc in partu dicitur occubuisse, unde in sequentibus scriptum est: Igitur Michol filiæ Saul non est natus filius, usque ad diem mortis suæ, quia in ipso partu occubuit.
Vulgata (Latina)
In The King James Version
And the sixth, Ithream, by Eglah David’s wife. These were born to David in Hebron.
In Context
4Quartus autem Adonias, filius Haggith: et quintus Saphathia, filius Abital.
6Cum ergo esset prælium inter domum Saul et domum David, Abner filius Ner regebat domum Saul.
Cross References
1 Chronicles 3:3quintum Saphathiam ex Abital, sextum Jethraham de Egla uxore sua. + 3.3 De Egla uxore sua. HIERON. Quæritur cur hæc Egla sola uxor David dicatur; sed hæc est Michol, quæ inter multas sola uxor dicitur, quia eam in adolescentia primam accepit uxorem, quæ in partu occubuisse dicitur. Egla vero interpretatur vitula, quæ significat Synagogam, quæ legis jugum suscepit, sed lasciviendo corrupit, unde, Ephraim vitula docta diligere trituram. Hanc noster David accepit, quando eam sibi in testamento dato copulavit. In partu occubuit, quia apparente verbo Dei in carne, et Evangelium prædicante, cum per fidem bonorum operum sobolem gignere debuit, scandalizata in passione ejus sibi mortem æternam ascivit