Proverbiorum 20:4
Propter frigus piger arare noluit; mendicabit ergo æstate, et non dabitur illi. + 20.4 Æstate. Regnum Dei æstati comparatur, quia nunc mœroris nostri nubila transient, et vitæ dies æterni solis claritate fulgebunt.
Vulgata (Latina)
In The King James Version
In Context
3Honor est homini qui separat se a contentionibus; omnes autem stulti miscentur contumeliis.
5Sicut aqua profunda, sic consilium in corde viri; sed homo sapiens exhauriet illud.
Cross References
Proverbs 10:4Egestatem operata est manus remissa; manus autem fortium divitias parat. Qui nititur mendaciis, hic pascit ventos; idem autem ipse sequitur aves volantes. + 10.4 Egestatem operata. Qui negligenter vivit in hoc sæculo, egebit bonis in futuro; at qui fortiter Domino militant, divitiis æternæ beatitudinis remunerantur.
Proverbs 19:15Pigredo immittit soporem, et anima dissoluta esuriet. + 19.15 Pigredo immittit soporem. Piger dicitur qui recte sciendo vigilat, sed nihil operando torpescit; sed pigredo immittit soporem, quia paulisper recte sentiendi vigilantia amittitur, dum ab opere cessatur. Recte autem subditur: Et anima dissoluta esuriet. Nam quia se ad superiora stringendo non dirigit, neglectam se inferius per desideria expandit, et dum studiorum subtilium vigore non constringitur, cupiditatis infimæ famæ sauciatur, ut quo per disciplinam ligari dissimulat, eo esuriens per voluptatum desideria se spargat.
Proverbs 21:25Desideria occidunt pigrum: noluerunt enim quidquam manus ejus operari.
Proverbs 26:13[Dicit piger: Leo est in via, et leæna in itineribus. + 26.13 Dicit piger. Multi cum verba exhortationis audiunt, etc., usque ad in suis jacere pravitatibus non desistunt.
Matthew 25:3sed quinque fatuæ, acceptis lampadibus, non sumpserunt oleum secum:
2 Peter 1:5Vos autem curam omnem subinferentes, ministrate in fide vestra virtutem, in virtute autem scientiam, + 1.5 Ministrate in fide. BEDA. Non solum fugiatis concupiscentiam mundi, etc., usque ad ne sitis molles et dissoluti.