Psalms · Hebrew Tanakh (Original)

Psalms 113

1הַלְלוּ יָהּ ׀ הַלְלוּ עַבְדֵי יְהוָה הַֽלְלוּ אֶת ־ שֵׁם יְהוָֽה ׃

2יְהִי שֵׁם יְהוָה מְבֹרָךְ מֵֽעַתָּה וְעַד ־ עוֹלָֽם ׃

3מִמִּזְרַח ־ שֶׁמֶשׁ עַד ־ מְבוֹאוֹ מְהֻלָּל שֵׁם יְהוָֽה ׃

4רָם עַל ־ כָּל ־ גּוֹיִם ׀ יְהוָה עַל הַשָּׁמַיִם כְּבוֹדֽוֹ ׃

5מִי כַּיהוָה אֱלֹהֵינוּ הַֽמַּגְבִּיהִי לָשָֽׁבֶת ׃

6הַֽמַּשְׁפִּילִי לִרְאוֹת בַּשָּׁמַיִם וּבָאָֽרֶץ ׃

7מְקִֽימִי מֵעָפָר דָּל מֵֽאַשְׁפֹּת יָרִים אֶבְיֽוֹן ׃

8לְהוֹשִׁיבִי עִם ־ נְדִיבִים עִם נְדִיבֵי עַמּֽוֹ ׃

9מֽוֹשִׁיבִי ׀ עֲקֶרֶת הַבַּיִת אֵֽם ־ הַבָּנִים שְׂמֵחָה הַֽלְלוּ ־ יָֽהּ ׃

Study Psalms 113