Psalms · Hebrew Tanakh (Original)

Psalms 82

1מִזְמוֹר לְאָסָף אֱ‍ֽלֹהִים נִצָּב בַּעֲדַת ־ אֵל בְּקֶרֶב אֱלֹהִים יִשְׁפֹּֽט ׃

2עַד ־ מָתַי תִּשְׁפְּטוּ ־ עָוֶל וּפְנֵי רְשָׁעִים תִּשְׂאוּ ־ סֶֽלָה ׃

3שִׁפְטוּ ־ דַל וְיָתוֹם עָנִי וָרָשׁ הַצְדִּֽיקוּ ׃

4פַּלְּטוּ ־ דַל וְאֶבְיוֹן מִיַּד רְשָׁעִים הַצִּֽילוּ ׃

5לֹא יָֽדְעוּ ׀ וְלֹא יָבִינוּ בַּחֲשֵׁכָה יִתְהַלָּכוּ יִמּוֹטוּ כָּל ־ מוֹסְדֵי אָֽרֶץ ׃

6אֲ‍ֽנִי ־ אָמַרְתִּי אֱלֹהִים אַתֶּם וּבְנֵי עֶלְיוֹן כֻּלְּכֶֽם ׃

7אָכֵן כְּאָדָם תְּמוּתוּן וּכְאַחַד הַשָּׂרִים תִּפֹּֽלוּ ׃

8קוּמָה אֱלֹהִים שָׁפְטָה הָאָרֶץ כִּֽי ־ אַתָּה תִנְחַל בְּכָל ־ הַגּוֹיִֽם ׃

Study Psalms 82