Psalms · Hebrew Tanakh (Original)

Psalms 12

1לַמְנַצֵּחַ עַֽל ־ הַשְּׁמִינִית מִזְמוֹר לְדָוִֽד ׃

2הוֹשִׁיעָה יְהוָה כִּי ־ גָמַר חָסִיד כִּי ־ פַסּוּ אֱמוּנִים מִבְּנֵי אָדָֽם ׃

3שָׁוְא ׀ יְֽדַבְּרוּ אִישׁ אֶת ־ רֵעֵהוּ שְׂפַת חֲלָקוֹת בְּלֵב וָלֵב יְדַבֵּֽרוּ ׃

4יַכְרֵת יְהוָה כָּל ־ שִׂפְתֵי חֲלָקוֹת לָשׁוֹן מְדַבֶּרֶת גְּדֹלֽוֹת ׃

5אֲשֶׁר אָֽמְרוּ ׀ לִלְשֹׁנֵנוּ נַגְבִּיר שְׂפָתֵינוּ אִתָּנוּ מִי אָדוֹן לָֽנוּ ׃

6מִשֹּׁד עֲנִיִּים מֵאַנְקַת אֶבְיוֹנִים עַתָּה אָקוּם יֹאמַר יְהוָה אָשִׁית בְּיֵשַׁע יָפִיחַֽ לֽוֹ ׃

7אִֽמֲרוֹת יְהוָה אֲמָרוֹת טְהֹרוֹת כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָֽיִם ׃

8אַתָּֽה ־ יְהוָה תִּשְׁמְרֵם תִּצְּרֶנּוּ ׀ מִן ־ הַדּוֹר זוּ לְעוֹלָֽם ׃ סָבִיב רְשָׁעִים יִתְהַלָּכוּן כְּרֻם זֻלּוּת לִבְנֵי אָדָֽם ׃

Study Psalms 12