Psalms · Hebrew Tanakh (Original)

Psalms 121

1שִׁיר לַֽמַּעֲלוֹת אֶשָּׂא עֵינַי אֶל ־ הֶהָרִים מֵאַיִן יָבֹא עֶזְרִֽי ׃

2עֶזְרִי מֵעִם יְהוָה עֹשֵׂה שָׁמַיִם וָאָֽרֶץ ׃

3אַל ־ יִתֵּן לַמּוֹט רַגְלֶךָ אַל ־ יָנוּם שֹֽׁמְרֶֽךָ ׃

4הִנֵּה לֹֽא ־ יָנוּם וְלֹא יִישָׁן שׁוֹמֵר יִשְׂרָאֵֽל ׃

5יְהוָה שֹׁמְרֶךָ יְהוָה צִלְּךָ עַל ־ יַד יְמִינֶֽךָ ׃

6יוֹמָם הַשֶּׁמֶשׁ לֹֽא ־ יַכֶּכָּה וְיָרֵחַ בַּלָּֽיְלָה ׃

7יְֽהוָה יִשְׁמָרְךָ מִכָּל ־ רָע יִשְׁמֹר אֶת ־ נַפְשֶֽׁךָ ׃

8יְֽהוָה יִשְׁמָר ־ צֵאתְךָ וּבוֹאֶךָ מֵֽעַתָּה וְעַד ־ עוֹלָֽם ׃

Study Psalms 121